Loading...
今晡日係拜幾？
今天是星期幾？
係禮拜日。
是星期日。
𠊎好禮拜日，毋使去學校。
我喜歡星期日，不必去學校。
𠊎這下想愛去公園尞，你愛去無？
我現在想要去公園玩，你要去嗎？
去哪個公園？當近無(會遠無)？
去哪個公園？很近嗎？
在學校脣頭(口)。行路去，毋會忒(蓋)久。
在學校旁邊。走路去，不會太久。
𫣆俚(𠊎等)還係騎自行車過去較(過)遽。
我們還是騎腳踏車過去比較快。
你昨晡日去哪位(仔)尞？
你昨天去哪裡玩？
昨晡朝晨𠊎摎(同)屋下人去蹶(跋)山。
昨天早上我和家人去爬山。
你恁早就出門。
你這麼早就出門。
恁仰正會早兜仔到(恁仔正會過早到)。
這樣才能早點到。
係在若屋下東片个山無？
是在你們家東邊的山嗎？
毋係，係在西片个山。
不是，是在西邊的山。
你行路當(蓋)遽，一定最先蹶(跋)到山頂。
你走路很快，一定最先爬到山頂。
著。山肚當(蓋)涼，𠊎兜(等)到下晝正轉。
對。山裡很涼，我們到下午才回家。
𠊎天光日也想愛去蹶(跋)山。
我明天也想要去爬山。
今年當(蓋)熱。
今年非常熱。
日時頭當晝最熱！
白天的中午最熱！
𠊎逐日都留在屋下，無出去外背。
我每天都留在家裡面，沒出去外面。
毋過今日暗晡有南風，當涼。
但是今天晚上有南風，很涼。
你看頂高有當(蓋)多星仔當在該發光。
你看上面有很多星星正在那發光。
你有識麼个星仔？
你有認識什麼星星？
面前最光个係金星。
前面最亮的是金星。
右片底下在停動个係麼个星仔？
右邊底下在動的是什麼星星？
該係飛行機。
那是飛機。