Loading...
𠊎有一個好畫圖个朋友。
我有一個愛畫圖的朋友。
佢會畫肥肥个豬仔無？
他會畫肥肥的豬嗎？
佢會畫瘦瘦高高，腳又直又長个豬仔。
他會畫瘦瘦高高的，腳又直又長的豬。
這隻豬仔枵壞咧。色目咧？
這隻豬餓壞了。顏色呢？
有時烏摎白，有時紅色、柑仔色、黃色、青色都有。
有時黑和白，有時紅色、橘色、黃色、藍色都有。
佢會畫人無？
他會畫人嗎？
佢有畫𠊎个阿公，畫到當後生。
他有畫我的祖父，畫得很年輕。
𠊎還有一個新个朋友。
我還有一個新的朋友。
佢會做麼个事情？
他會做什麼事？
佢有閒个時節，會煮東西食。
他有空閒時，會煮東西吃。
佢會做甜个東西無？
他會做甜的東西嗎？
酸个、鹹个、香个、辣个全曉煮。
酸的、鹹的、香的、辣的都會煮。
講到𠊎肚屎枵咧。
說到我肚子餓了。
苦个、臭个乜會煮。
苦的、臭的也會煮。
這就毋使咧。
這個就不必了。
做得摎𠊎講你个好朋友無？
可以跟我說你的好朋友嗎？
𠊎乜有一個當有意思个朋友。
我也有一個很有意思的朋友。
摎𠊎搞个時節，佢毋會爭輸贏。
跟我玩時，他不會爭輸贏。
盡難个功課，佢會摎佢變簡單。
很難的功課，他會把它變簡單。
東西毋見忒，會摎𠊎共下尋。
東西不見時，會跟我一起找。
有危險个時節，會喊𠊎注意安全。
有危險時，會叫我注意安全。
佢个目珠圓圓，鼻尖尖。
他的眼睛圓圓的，鼻子尖尖的。
著。你就係𠊎个好朋友。
正確。你就是我的好朋友。