今日係拜幾？
今天是星期幾？
係禮拜日。
是星期日。
𠊎佮意禮拜日，毋使去學校。
我喜歡星期日，不必去學校。
𠊎現時想討去公園尞，你討去無？
我現在想要去公園玩，你要去嗎？
去哪個公園？真近無？
去哪個公園？很近嗎？
在學校脣頭。行路去，毋會忒久。
在學校旁邊。走路去，不會太久。
猶係騎鐵馬過去較緊。
我們還是騎腳踏車過去比較快。
你昨日去哪位尞？
你昨天去哪裡玩？
昨日晨早𠊎和屋下人去跋山。
昨天早上我和家人去爬山。
你恁早即出門。
你這麼早就出門。
恁正會用較早兜到位。
這樣才能早點到。
係在你人屋下東片裡个山？
是在你們家東邊的山嗎？
毋係，係在西片裡个山。
不是，是在西邊的山。
你行路真緊，一定頭先跋到山崠。
你走路很快，一定最先爬到山頂。
著。山內底真涼，𠊎人到下晝正轉。
對。山裡很涼，我們到下午才回家。
𠊎韶日嘛想討去跋山。
我明天也想要去爬山。
今年足熱个。
今年非常熱。
日時頭个當晝頭熱！
白天的中午最熱！
𠊎逐日攏留在屋下內，無出去外頭。
我每天都留在家裡面，沒出去外面。
毋過今日暗夜有南風，真涼。
但是今天晚上有南風，很涼。
你䀴面上有真多星光當在遐發光。
你看上面有很多星星正在那發光。
你有識麼个星光？
你有認識什麼星星？
頭前頭光个係金星。
前面最亮的是金星。
正裡下腳在停動个係麼个星？
右邊底下在動的是什麼星星？
遐係飛機。
那是飛機。