點選快速找課
    瀏覽所有課程

    基礎級暨初級題庫

    選擇腔調與題型，練習聽力理解、閱讀理解與口語測驗試題。

    腔調
    四縣腔 海陸腔 大埔腔 饒平腔 詔安腔
    返回 聽力理解-對話 共 97 筆
    反白字彙查詢意義 反白字彙查詢意義 題庫操作手冊 題庫操作手冊
    1.
    男：阿姆，𠊎想愛去打電動，好無？ 女：你敢去，皮就愛弓較（過）緪兜仔！ 請問阿姆个意思係仰仔？
    2.
    男：若柑仔買好吂（吔無）？ 女：還在這擇哦！ 請問細妹仔買著柑仔吂（吔無）？
    3.
    女：今晡日个罅吔！天光日過來𢯭手㓾。 男：吓！還愛挷毛？恁麻煩，你自家㓾。 請問細妹人係愛㓾麼个？
    4.
    男：阿姆，𠊎這盆燒水愛兜分阿公洗面。 女：哦～恁曉得！ 上背个對話，下背哪隻選項正著？
    5.
    女：肚屎枵（飢）哩！好放尞吂（吔無）﹖ 男：吂（還毋曾）哦！朝晨出門正無幾久仔。 請問這下係麼个時節﹖
    6.
    男：仰會人恁多？毋知愛等加幾久正有好食。 女：算哩（吔），轉（歸）來去食較（過）贏。 請問這段對話有可能發生在哪位？
    7.
    女：該間飯店个覆菜豬肚湯異（盡）有名。 男：該（嘎）你哪日帶𠊎兜（等）去食好無？ 上背个對話，下背哪隻選項正著？
    8.
    男：當晝食麼个？ 女：連分人請三日，鼻著就會翻出來哩喲。 請問婦人家个意思係麼个？
    9.
    男：若妹仔去米國尞，轉吂（歸來吔無）？ 女：還使講！尞到毋知好轉（歸）！ 請問婦人家厥妹仔轉吂（歸來吔無）？
    10.
    女：你敢知哪位出个黃梨最有名？ 男：𠊎兜（等）共下來上網查看啊！ 上背个對話，下背哪隻（個）選項最有可能？
    11.
    女：你仰坐毋核呢？ 男：𠊎食忒多茶吔。 請問男仔人麼个原因坐毋核？
    12.
    女：阿文，你哪久正愛開始讀書？ 男：𠊎食下茶就去書房！ 請問倈仔幾時愛開始讀書？
    13.
    女：若爸同𠊎共樣毋好食番檨。 男：𠊎知啊！你買分𠊎食就好吔啊！ 請問，麼人盡（最）有可能好食番檨？
    14.
    女：阿公，𠊎愛去同學屋下打電動。 男：厥爸厥姆有同意無？ 請問阿公喊孫仔愛仰仔？
    15.
    男：屋下恁無閒，你頭先走去哪位（仔）？ 女：𠊎去銀行領錢。 請問細妹人去銀行吂（吔無）？
    16.
    男：來來來！自家人，毋使細義，你先食。 女：毋怕、毋怕！等一下。 上背个對話，下背哪隻選項正著？
    17.
    男：媽！𠊎去公園捉寶可夢。 女：恁暗哩（吔）！你敢去就試看啊。 請問阿姆个意思係講仰仔？
    18.
    女：阿福伯請食夜，你愛去無？ 男：無哦！𠊎愛看籃球比賽喲！ 請問籃球比賽哪時轉播？
    19.
    男：做麼个阿華兩公婆會恁惜厥外甥仔？ 女：因爭（因為）佢兜（等）屋下無細人仔。 上背个對話，係講阿華佢兜（等）屋下仰仔？
    20.
    男：阿美，你有看著樹頂高个動物無？ 女：有啊！尾膨膨、在樹頂高走上走下，盡（蓋）得人惜。 請問佢兜（等）看著个係麼个動物？
    21.
    男：這朝晨正去菜園摘个，當 （蓋）萋喲。 女：好啊！𠊎愛買轉（歸）去煮湯。 請問細妹人最有可能買麼个東西？
    22.
    女：聽講佢這擺考試考無好。 男：難怪哦！𠊎看佢考試前還當在該搞手機仔。 請問這兩儕講个人仰仔？
    23.
    男：𠊎火氣大个時節，食兩杯青草茶就好吔。 女：恁有效！𠊎乜愛來食兩杯。 請問細妺仔係麼个意思？
    24.
    男：若嘴恁甜，實在還得人惜哪（哦）！ 女：承蒙你恁會阿腦。 請問男仔人認為這細妹仔仰仔？
    25.
    男：阿明嫂，恁早就腳踏車牽等，愛做麼个？ 女：你看𠊎菜籃仔掛等，還毋知𠊎愛去哪喺？ 請問阿明嫂可能係愛去做麼个？
    26.
    男：恁早！食飽吂（吔無）？ 女：還吂（吔無）咧（哦）！共下來去食啊！ 請問該兩儕愛共下去做麼个？
    27.
    男：阿菊，若身體毋鬆爽係無？ 女：係呀！見擺天時一變，老症頭就擎（迎）起來。 請問阿菊个身體仰仔？
    28.
    男：時間差毋多吔！遽遽（共快）來去看大戲。 女：毋過，𠊎驚怕孫仔自家在屋下。 請問阿婆个心情仰仔？
    29.
    男：𠊎愛點一號餐，阿芳你呢？ 女：摎（同）你共樣！ 請問阿芳个意思係仰仔？
    30.
    女：𠊎看你企就毋核，哪位艱苦（哪跡位在艱苦）係無？ 男：𠊎昨暗晡屙瀉粑，歸夜仔走便所。 請問細倈仔哪位（哪跡位）痛？
    31.
    男：阿英，你同𠊎扶好勢來，𠊎愛拿頂高个書。 女：愛細義毋好跌（橫）下來哦！ 請問佢喊阿英扶等麼个東西？
    32.
    女：等恁久車仔還吂（無）來，怕係慢分咧（吔）。 男：路項全全車仔，看來怕係塞車哦！ 請問佢兜（等）愛坐哪種交通工具？
    33.
    男：阿芳，今晡日著到恁靚，愛去哪？ 女：阿光叔討心臼，愛來去分佢請。 請問阿芳愛做麼个？
    34.
    女：恁多書愛仰般（仔）拿呢？ 男：該就䌈起來拿啊！ 請問佢愛用著麼个東西？
    35.
    女：頭家！一碗米粉，在這位食。 男：裡背自家尋位仔坐，等下就來哩。 請問這段對話在哪位聽得著？
    36.
    女：這車柚仔今晡日你定著愛送到人客手項去。 男：頭家娘，𠊎知，你放心。 請問細倈人係做麼个頭路个？
    37.
    男：𠊎跈毋著吔，愛尞一下正做得。 女：過行一下仔，頭前有一隻涼亭。 請問佢兜（等）在該做麼个？
    38.
    男：先生，𠊎个電腦字打毋出來！ 女：仰會恁樣（仔）？𠊎試撳看啊！ 請問可能係麼个壞忒（核）吔？
    39.
    女：這罐藥水兩點鐘點一擺，愛記得哦！ 男：好，𠊎知，恁仔細！ 請問細倈仔个病係看哪科？
    40.
    女：咦？你今晡日仰請假呢？ 男：𠊎去醫院看𠊎正出世个妹仔啊。 請問男仔人今晡日做麼个無上班？
    41.
    男：來來來！續下來這題个獎品係自行車哦！有麼人愛回答無？ 女：𠊎𠊎𠊎！答案係「佛光山」，著無？ 請問佢兜在該做麼个？
    42.
    女：仰會愛食一餐飯全尋無位仔好停。 男：算哩！毋使下去，𫣆駛轉屋下正來食。 請問這段對話係在哪位講个？
    43.
    男：𠊎正慢到一下仔定定，你做麼个恁譴？ 女：麼人喊你逐（每）擺就恁仰（仔）？ 請問細妹仔譴細倈仔麼个事情？
    44.
    女：阿明，𠊎肚屎當痛，你愛出來吂？ 男：會淨吔！𠊎坐加一下就好。 請問阿明在做麼个？
    45.
    男：媽，𠊎將相片傳分阿婆看好無？ 女：好啊！網路愛記得開哦！ 請問細倈仔係用麼个傳相片？
    46.
    女：來喲！來喲！皮包仔一隻一千個銀！ 男：吓～路邊攤个東西還愛恁多錢哦？ 請問男仔人試著這皮包仔个價數仰仔？
    47.
    男：媽，𠊎碗肚划到淨淨咧（吔）！ 女：還會喲！全無打爽東西。 請問佢兜（等）這下在該做麼个？
    48.
    男：仰風搓吂來，雞卵就恁貴呢？ 女：一下寒一下熱，雞仔嗄毋生卵。 請問雞卵做麼个會起價？
    49.
    女：這當靚，𠊎有中意！ 男：毋好啦，你愛吊个衫褲恁多呢！哪放得落？ 請問佢兜愛買麼个東西﹖
    50.
    女：阿爸！吾頸根當（蓋）毋鬆爽。 男：你哦！歸日仔頭犁犁手緊畫，連目珠乜會看壞忒（核）。 請問這細妹人輒輒做麼个正會毋鬆爽﹖
    《客語認證詞彙資料庫》
    意義