點選快速找課
    瀏覽所有課程

    基礎級暨初級題庫

    選擇腔調與題型，練習聽力理解、閱讀理解與口語測驗試題。

    腔調
    四縣腔 海陸腔 大埔腔 饒平腔 詔安腔
    返回 口語測驗-口語表達 共 95 筆
    反白字彙查詢意義 反白字彙查詢意義 題庫操作手冊 題庫操作手冊
    1.
    你摎阿姆去夜市，想愛食三樣東西，愛仰般摎阿姆講？
    2.
    若爸分你閼到食毋落飯。你會仰般摎阿爸會失禮？
    3.
    你在體育課學著哪兜運動？你盡中意个係哪項？
    4.
    阿明喊你共下去看電影，你無法度去，愛仰般摎佢講正有禮貌？請講出原因來。
    5.
    你愛去圖書館，毋知路，你會仰般問人﹖
    6.
    學校有盡多課程，你最中意麼个課？做麼个會中意這門課呢？
    7.
    你个數學課本毋記得帶來學校，打電話轉去拜託屋下个人送來，愛仰般講﹖
    8.
    𠊎盡好吊菜色，像葡萄就係吊菜色个果子。該你好麼个色呢？請你講出兩項該種色个東西。
    9.
    你摎阿公个花盎仔打爛忒，害阿公閼咧。你會仰般摎阿公會失禮呢？
    10.
    阿姆講暗晡夜無煮飯，愛買轉來食，問你愛食兜麼个。你會仰般摎阿姆講？
    11.
    你摎阿公阿婆共下愛轉苗栗。你在臺北火車頭買票，會仰般摎賣票个人講？
    12.
    你盡好看个電視節目係麼个？做麼个會中意這節目呢？
    13.
    阿雄戴院咧，你想愛去看佢，你會仰般問佢屋下人？
    14.
    在便利商店，你拿10個銀去買8個銀个東西，毋過店員無找錢，你愛仰般摎佢講？
    15.
    韶早愛去動物園校外教學，請問你會做哪兜準備？
    16.
    你愛買豆油，嗄買著烏醋轉屋。你愛仰般摎店員講愛換貨？
    17.
    下課轉到屋下，你正發現拿著阿秀个聯絡簿咧。請你打電話分佢，你會仰般講？
    18.
    屋下人愛共下出去尞，除了檢查瓦斯有關忒無，請問還愛注意哪兜事情呢？
    19.
    你去圖書館，尋毋著想愛借个書，你愛仰般拜託櫃臺个人摎你𢯭手呢？
    20.
    下禮拜就愛去三日兩夜个畢業旅行，你按算愛準備哪兜東西呢？
    21.
    你正買个故事書少一頁，愛轉去書店換過，你愛仰般摎頭家講？
    22.
    下課路項，你看著一個阿婆跢倒，扶佢去診所膏藥仔，無帶著手機，害阿姆在屋下緊等。轉去你愛仰般摎阿姆說明？
    23.
    你姊妹三儕愛去看下晝兩點个電影，買票該下，你愛仰般講正清楚？
    24.
    朋友做生日，講愛請你食飯，你想送佢麼个禮物呢？做麼个想送佢這禮物呢？
    25.
    你打電話去問阿龍功課，係阿龍厥姆接著，你愛仰般摎佢講呢？
    26.
    愛去野餐囉！你會想愛帶兜麼个食个、用个、抑係搞个東西？試講看啊。
    27.
    你冷著去分先生看，先生一般會摎你做麼个檢查？問你哪兜問題？
    28.
    係講你通過客語認證，有一千個銀獎金，你想愛用獎金做麼个？請你講看啊。
    29.
    阿明个貓嫲降子咧，想愛分你一條細貓仔，你會仰般回答佢呢？
    30.
    你䟘床了後，愛出門前會做哪兜事情，請你講出四項。
    31.
    請問你最想愛得著麼个生日禮物？做麼个想愛得著這禮物呢？
    32.
    班項愛辦同樂會，你負責食个摎啉个東西，你會買兜麼个東西？
    33.
    下課後，你想留在學校練客語口說藝術，愛先打電話問過屋下人，你會仰般講？
    34.
    你最想做哪種頭路？做麼个想愛做這頭路呢？
    35.
    上體育課毋記得著運動鞋來學校，你愛仰般處理？
    36.
    放尞日你愛摎阿珍共下出去，請摎屋下人講，你愛去做麼个？幾時會轉來？
    37.
    這擺係通過客語認證考試，你愛當感謝麼人？請用幾句話對佢表示你个感謝。
    38.
    你个好朋友阿珍愛轉學咧，你想愛摎佢講兜麼个話？
    39.
    假使做得分你選，你想愛有老弟老妹？抑係阿哥阿姊？做麼个會恁樣想呢？
    40.
    落水天，你个同學阿松行路分車仔洩著水，衫屙糟咧，當閼！你會講兜麼个話來安慰佢？
    41.
    下課十分鐘，請問你會做哪兜事情呢？
    42.
    係講你有機會出國，你盡想愛去哪隻國家？做麼个會擇這隻國家呢？
    43.
    今晡日係教師節，你會摎先生講麼个表示你个感謝？
    44.
    八月半尞月華，你屋下會做哪兜活動呢？
    45.
    你轉屋下無帶著鎖匙，你會仰般處理呢？
    46.
    你洗身洗到一半嗄無燒水咧，你愛仰結煞正好？
    47.
    上課該下，坐隔壁个同學無帶著課本，愁到噭出來，你做得仰般摎佢𢯭手？
    48.
    叔婆來屋下尞，愛轉咧，請問你愛仰般講正有禮貌？
    49.
    阿明係正轉學來个同學，看佢歸日仔一個人恬恬，你做得仰般摎佢𢯭手？
    50.
    在屋下，你會𢯭手做哪兜事？有哪項係你做到最好个？
    《客語認證詞彙資料庫》
    意義