點選快速找課
    瀏覽所有課程

    基礎級暨初級題庫

    選擇腔調與題型，練習聽力理解、閱讀理解與口語測驗試題。

    腔調
    四縣腔 海陸腔 大埔腔 饒平腔 詔安腔
    返回 聽力理解-對話 共 97 筆
    反白字彙查詢意義 反白字彙查詢意義 題庫操作手冊 題庫操作手冊
    1.
    男：阿姆，𠊎想愛去打電動，好無？ 女：你敢去，皮斯愛弓較緪兜哦！ 男：請問阿姆个意思係仰脣？
    2.
    男：若柑買好吂？ 女：還在這擇咩！ 男：請問細妹買著柑吂？
    3.
    女：今晡个額罅咧！天光日過來𢯭手㓾哦。 男：吓！還愛挷毛？恁麻煩，你自家㓾。 女：請問細妹係愛㓾麼个？
    4.
    男：阿姆，吾這盆燒水愛兜分阿爹洗面。 女：哦～恁曉得！ 男：上背个對話，下背哪個選項正著？
    5.
    女：肚屎枵咧！好放尞吂﹖ 男：吂哦！朝脣出門正無幾久等。 女：請問這下係麼个時節﹖
    6.
    男：仰會人恁多？毋知愛等幾久正有好食。 女：算咧，轉來去食較贏。 男：請問這段對話有可能發生在哪位？
    7.
    女：該間飯店个覆菜豬肚湯已有名。 男：該你哪日帶吾等去食好無？ 女：上背个對話，下背哪個選項正著？
    8.
    男：當晝食麼个？ 女：連續分人請三日，鼻著斯會翻出來哩喲。 男：請問婦人家个意思係麼个？
    9.
    男：若妹去米國尞，轉吂？ 女：還使講！尞到毋知好轉！ 男：請問婦人家厥妹轉吂？
    10.
    女：你敢知哪位出个黃梨盡有名？ 男：𫣆等共下來上網查看哪！ 女：上背个對話，下背哪個選項盡有可能？
    11.
    女：你仰坐毋核呢？ 男：𠊎食忒多茶咧。 女：請問男人麼个原因坐毋核？
    12.
    女：阿文，你哪久正愛開始讀書？ 男：𠊎食下茶斯去書房！ 女：請問倈幾時愛開始讀書？
    13.
    女：若爸同𠊎共樣毋好食檨。 男：𠊎知啊！你買分𠊎食斯好咧啊！ 女：請問，麼人盡有可能好食檨？
    14.
    女：阿爹，𠊎愛去同學屋家打電動。 男：厥爸厥姆有同意無？ 女：請問阿爹喊孫愛仰脣？
    15.
    男：屋家恁無閒，你頭先走去哪位？ 女：𠊎去銀行領錢。 男：請問細妹人去銀行吂？
    16.
    男：來來來！自家人，毋使細義，你先食。 女：毋怕、毋怕！等一下。 男：上背个對話，下背哪個選項正著？
    17.
    男：媽！𠊎去公園捉寶可夢。 女：恁暗咧！你敢去斯試看看。 男：請問阿姆个意思係講仰脣？
    18.
    女：阿福伯請食夜，你愛去無？ 男：無哦！𠊎愛看籃球比賽喲！ 女：請問籃球比賽哪時轉播？
    19.
    男：做麼个阿華兩公姐會恁惜厥外甥？ 女：因為厥屋家無細人。 男：上背个對話，係講阿華厥屋家仰脣？
    20.
    男：阿美，你有看著樹頂高个動物無？ 女：有啊！尾膨膨、在樹頂高走上走落，當得人惜。 男：請問厥等看著个係麼个動物？
    21.
    男：這朝脣正去菜園摘个，當萋喲。 女：好啊！𠊎愛買轉去煮湯。 男：請問細妹人盡有可能買麼个東西？
    22.
    女：聽講佢這擺考試考無好。 男：難怪哪！𠊎看佢考試前還當當在該搞手機。 女：請問厥兩儕講个人仰脣？
    23.
    男：𠊎火氣大个時節，食兩杯青草茶斯好咧。 女：恁有效！𠊎乜愛來食兩杯。 男：請問細妺係麼个意思？
    24.
    男：若嘴恁甜，實在還得人惜哪！ 女：承蒙你恁會阿腦。 男：請問男人認為這細妹仰脣樣？
    25.
    男：阿明嫂，恁早斯鐵馬牽緊，愛做麼个？ 女：你看𠊎菜籃掛核，還毋知𠊎愛去哪喺？ 男：請問阿明嫂可能係愛去做麼个？
    26.
    男：恁早！食飽吂？ 女：還吂咧！共下來去食啊！ 男：請問厥兩儕愛共下去做麼个？
    27.
    男：阿菊，若身體毋鬆爽係無？ 女：係呀！見擺天時一變，老症頭斯擎起來。 男：請問阿菊个身體仰脣？
    28.
    男：時間差毋多咧！遽遽來去看大戲。 女：毋過，𠊎驚怕孫自家在屋家呢！ 男：請問阿奶个心情仰脣？
    29.
    男：𠊎愛點一號餐，阿芳你呢？ 女：同你共樣！ 男：請問阿芳个意思係仰脣？
    30.
    女：𠊎看你企都毋核，哪位艱苦係無？ 男：𠊎昨暗晡屙瀉巴，歸夜走便所。 女：請問細倈哪位疾？
    31.
    男：阿英，你同𠊎扶好勢來，𠊎愛拿上背个書。 女：愛細義毋好跌落來哦！ 男：請問佢喊阿英扶核麼个東西？
    32.
    女：等恁久車還吂來，怕係慢分咧。 男：路項做下車，看來怕係塞車哦！ 女：請問厥等愛坐哪種交通工具？
    33.
    男：阿芳，今晡日著都恁靚，愛去哪？ 女：阿光叔討心臼，愛來去分佢請。 男：請問阿芳愛做麼个？
    34.
    女：恁多書愛仰脣拿呢？ 男：該斯䌈起來拿啊！ 女：請問佢愛用著麼个東西？
    35.
    女：頭家！一碗米粉，在這位食。 男：裡背自家尋位坐，等下斯來咧。 請問這段對話在哪位聽得著？
    36.
    女：這歸車个柚今晡你定著愛送到人客手項去。 男：頭家娘，𠊎知，你放心。 女：請問細倈係做麼个頭路个？
    37.
    男：𠊎跈毋著咧，愛尞一下正使得。 女：過行加一下，頭前有一個涼亭。 男：請問厥等在該做麼个？
    38.
    男：先生，吾个電腦字打毋出來！ 女：仰會恁泥？𠊎試搤下看！ 男：請問可能係麼个壞撇咧？
    39.
    女：這罐藥水兩點鐘點一擺，愛記得哦！ 男：好，𠊎知，恁勞瀝！ 女：請問細倈个病係看哪科？
    40.
    女：咦？你今晡日仰脣請假呢？ 男：𠊎去醫院看吾正出世个妹啊。 女：請問男人今晡日做麼个無上班？
    41.
    男：來來來！續落來這題个獎品係鐵馬哦！有麼人愛回答無？ 女：𠊎𠊎𠊎！答案係「佛光山」，著無？ 請問厥等在該做麼个？
    42.
    女：仰脣愛食一餐飯全尋無位好停。 男：算咧，毋使落去，𫣆駛轉屋家正來食。 請問這段對話係在哪位講个？
    43.
    男：𠊎正慢到一下忒等，你做麼恁譴？ 女：麼人喊你逐擺都恁泥？ 男：請問細妹譴細倈麼个事情？
    44.
    女：阿明，吾肚屎當疾，你愛出來吂？ 男：會淨咧！𠊎坐加一下斯好。 請問阿明在做麼个？
    45.
    男：媽，𠊎將相片傳分阿奶看好無？ 女：好啊！網路愛記得開哦！ 男：請問細倈係用麼个傳相片？
    46.
    女：來喲！來喲！皮包一隻一千個銀！ 男：吓～路邊攤个東西還愛恁多錢哦？ 請問男人試著這皮包个價數仰脣？
    47.
    男：媽，吾碗肚划去淨淨咧！ 女：還會喲！全無打爽東西。 男：請問厥等這下在該做麼个？
    48.
    男：仰脣風搓吂來，雞卵斯恁貴呢？ 女：一下寒一下熱，雞嗄毋生卵。 請問雞卵做麼个會起價？
    49.
    女：這當靚，𠊎有中意！ 男：毋好啦，你愛吊个衫褲恁多呢！哪放得落﹖ 請問厥等愛買麼个東西﹖
    50.
    女：阿爸！吾頸根當毋鬆爽。 男：你哦！歸日頭犁犁手緊畫，連目珠乜會看壞撇。 女：請問這細妹人輒輒做麼个正會毋鬆爽﹖
    《客語認證詞彙資料庫》
    意義