點選快速找課
    瀏覽所有課程

    基礎級暨初級題庫

    選擇腔調與題型，練習聽力理解、閱讀理解與口語測驗試題。

    腔調
    四縣腔 海陸腔 大埔腔 饒平腔 詔安腔
    返回 口語測驗-口語表達 共 95 筆
    反白字彙查詢意義 反白字彙查詢意義 題庫操作手冊 題庫操作手冊
    1.
    你同阿姆去夜市，想愛食三樣東西，愛仰脣同阿姆講？
    2.
    若爸分你譴到食毋落飯咧。你會仰脣同阿爸會失禮？
    3.
    你在體育課有學著哪兜運動？你盡中意个係哪項？
    4.
    阿明招你共下去看電影，你無法度去，愛仰脣同佢講正有禮貌？請講出原因來。
    5.
    你愛去圖書館，毋知路，你會仰脣問人﹖
    6.
    學校有當多課程，你盡中意麼个課？做麼个會中意這門課呢？
    7.
    若數學課本毋記得帶來學校，打電話轉去拜託屋家人送來，愛仰脣講﹖
    8.
    𠊎盡好吊菜色，像葡萄斯係吊菜色个果子。該你好麼个色呢？請你講出兩項該種色个東西。
    9.
    你同阿爹个花盎打爛撇，害阿爹起譴咧。你會仰脣同阿爹會失禮呢？
    10.
    阿姆講暗晡夜無煮飯，愛買轉來食，問你愛食兜麼个。你會仰脣同阿姆講？
    11.
    你同阿爹阿奶共下愛轉苗栗。你在臺北火車頭買票，會仰脣同賣票个人講？
    12.
    你盡好看个電視節目係麼个？做麼个會中意這節目呢？
    13.
    阿雄入院咧，你想愛去看佢，你會仰脣問厥屋家人？
    14.
    在便利商店，你拿10個銀去買8個銀个東西，毋過店員無找錢，你愛仰脣同佢講？
    15.
    天光日愛去動物園校外教學，請問你會做哪兜準備？
    16.
    你愛買豆油，嗄買著烏醋轉屋。你愛仰脣同店員講愛換貨？
    17.
    放學轉到屋家，你正發現拿著阿秀个聯絡簿咧。請你打電話分佢，你會仰脣講？
    18.
    屋家人愛共下出去尞，除撇檢查瓦斯有關撇無以外，請問還愛注意哪兜事情呢？
    19.
    你去圖書館，尋毋著想愛借个書，你愛仰脣拜託櫃臺个人同你𢯭手呢？
    20.
    下禮拜愛去三日兩夜个畢業旅行，你按算愛準備哪兜東西呢？
    21.
    你正買个故事書少一頁，愛轉去書店換過，你愛仰脣同頭家講？
    22.
    放學路項，你看著一個老伯姆跌倒，扶佢去診所膏藥，無帶著手機，害阿姆在屋家緊等。轉去你愛仰脣同阿姆說明？
    23.
    你姊妹三儕愛去看下晝兩點个電影，買票該下，你愛仰脣講正清楚？
    24.
    朋友做生日，講愛請你食飯，你想送佢麼个禮物呢？做麼个會擇這禮物呢？
    25.
    你打電話去問阿龍功課，係阿龍厥姆接著，你愛仰脣同佢講呢？
    26.
    愛去野餐哩喲！你會想愛帶兜麼个食个、用个、還係搞个東西？試講看看。
    27.
    你寒著去分先生看，先生一般會同你做麼个檢查？問你哪兜問題？
    28.
    若係講你通過客語認證，有一千個銀獎金，你想愛用獎金做麼个？請你講看看。
    29.
    阿明个貓嫲養子咧，想愛分你一隻細貓子，你會仰脣回答佢呢？
    30.
    你䟘床了後，愛出門之前會做哪兜事情，請你講出四項。
    31.
    請問你盡想愛得著麼个生日禮物？做麼个會中意這禮物呢？
    32.
    班項愛辦同樂會，你負責食个同啉个東西，你會買兜麼个東西？
    33.
    放學了後，你想留在學校練習客語口說藝術，愛先打電話問過屋家人，你會仰脣講？
    34.
    你盡想做哪種頭路？做麼个會中意這頭路呢？
    35.
    上體育課毋記得著運動鞋來學校，你愛仰脣處理？
    36.
    放尞日你愛同阿珍共下出去，請同屋家人講，你愛去做麼个？幾時會轉來？
    37.
    這擺若係通過客語認證考試，你愛感謝麼人？請用幾句話對佢表示若个感謝。
    38.
    若好朋友阿珍愛轉學咧，你想愛同佢講兜麼个話？
    39.
    準講使得分你選，你想愛有老弟老妹？抑係阿哥阿姊？做麼个會恁泥想呢？
    40.
    落雨天，若同學阿松行路分車激著水，衫屙糟咧，當譴！你會講兜麼个話來安慰佢？
    41.
    下課十分鐘，請問你會做哪兜事情呢？
    42.
    準講你有機會出國，你盡想愛去哪個國家？做麼个會擇這個國家呢？
    43.
    今晡日係教師節，你會同先生講麼个表示若个感謝？
    44.
    八月半尞月光，若屋家會做哪兜活動呢？
    45.
    你轉屋無帶著鎖匙，你會仰脣處理呢？
    46.
    你洗身洗到一半嗄無燒水咧，你愛仰結煞正好？
    47.
    上課該下，坐隔壁个同學無帶著課本，愁到（都）噭出來，你使得仰脣同佢𢯭手？
    48.
    叔婆來屋家尞，愛轉咧，請問你愛仰脣講正有禮貌？
    49.
    阿明係正轉學來个同學，看佢歸日一個人恬恬，你使得仰脣同佢𢯭手？
    50.
    在屋家，你會𢯭手做哪兜事？有哪項係你做來盡好个？
    《客語認證詞彙資料庫》
    意義