點選快速找課
    瀏覽所有課程

    基礎級暨初級題庫

    選擇腔調與題型，練習聽力理解、閱讀理解與口語測驗試題。

    腔調
    四縣腔 海陸腔 大埔腔 饒平腔 詔安腔
    返回 口語測驗-口語表達 共 95 筆
    反白字彙查詢意義 反白字彙查詢意義 題庫操作手冊 題庫操作手冊
    1.
    你摎（和／摎）阿姆去夜市仔，想愛食三項東西，愛仰般（仰／仰般）摎（和／摎）阿姆講？
    2.
    若爸分你閼到食飯毋落。你會仰般（仰／仰般）摎（和／摎）阿爸會失禮？
    3.
    你在體育課學著哪兜運動？你最中意个係哪項？
    4.
    阿明喊你共下去䀴（看／䀴）電影，你無法度去，愛仰般（仰／仰般）摎（和／摎）佢講正有禮貌？請講出原因來。
    5.
    你愛去圖書館，毋知路，你會仰般（仰／仰般）問人﹖
    6.
    學校有盡多課程，你最中意麼个課？做麼个會中意這門課呢？
    7.
    你个數學課本毋記得帶到學校，打電話（電話／電事）轉去拜託屋下人送來，愛仰般（仰／仰般）講﹖
    8.
    𠊎最好茄色（茄色／吊菜色），像葡萄就係茄色（茄色／吊菜色）个果子。該你好麼个色呢？請你講出兩項該種色个東西。
    9.
    你摎（和／摎）阿公个花盎仔打爛忒（撇／忒）咧，害阿公當閼。你會仰般（仰／仰般）摎（和／摎）阿公會失禮呢？
    10.
    阿姆講暗晡夜無煮飯，愛買轉來食，問你愛食兜麼个。你會仰般（仰／仰般）摎（和／摎）阿姆講？
    11.
    你摎（和／摎）阿公阿嬤共下愛轉苗栗。你在臺北火車頭買票，會仰般（仰／仰般）摎（和／摎）賣票个人講？
    12.
    你最好䀴（看／䀴）个電視節目係麼个？做麼个會中意這節目呢？
    13.
    阿雄戴院咧，你想愛去䀴（看／䀴）佢，你會仰般（仰／仰般）問佢屋下人？
    14.
    在便利商店，你提10個銀去買8個銀个東西，毋過店員無找錢，你愛仰般（仰／仰般）摎（和／摎）佢講？
    15.
    天光日愛去動物園校外教學，請問你會做哪兜準備？
    16.
    你愛買豆油，嗄買著烏醋轉屋。你愛仰般（仰／仰般）摎（和／摎）店員講愛換貨？
    17.
    放學轉到屋下，你正發覺提著阿秀个聯絡簿咧。請你打電話（電話／電事）分佢，你會仰般（仰／仰般）講？
    18.
    屋下人愛共下出去尞，除了檢查瓦斯有關忒（撇／忒）無，請問還愛注意哪兜事情呢？
    19.
    你去圖書館，尋毋著想愛借个書，你愛仰般（仰／仰般）拜託櫃臺个人摎（和／摎）你𢯭手呢？
    20.
    下禮拜就愛去三日兩夜个畢業旅行，你按算愛準備哪兜東西呢？
    21.
    你正買个故事書少一頁，愛轉去書店換過，你會仰般（仰／仰般）摎（和／摎）頭家講？
    22.
    放學路項，你䀴（看／䀴）著一個阿嬤跌倒，扶佢去診所膏藥仔，無帶著手機仔，害阿姆在屋下緊等。轉去你愛仰般（仰／仰般）摎（和／摎）阿姆說明？
    23.
    你姊妹仔三儕愛去䀴（看／䀴）下晝兩點个電影，買票該下，你愛仰般（仰／仰般）講正清楚？
    24.
    朋友做生日，講愛請你食飯，你想送佢麼个禮物呢？做麼个想送佢這禮物呢？
    25.
    你打電話（電話／電事）去問阿龍功課，係阿龍厥姆接著，你愛仰般（仰／仰般）摎（和／摎）佢講呢？
    26.
    愛去野餐囉！你會想愛帶兜麼个食个、用个、還過爽（爽／踐）个東西？試講䀴（看／䀴）啊。
    27.
    你寒著去分先生䀴（看／䀴），先生一般會摎（和／摎）你做麼个檢查？問你哪兜問題？
    28.
    係講你通過客語認證，有一千個銀獎金，你想愛用獎金做麼个？請你講䀴（看／䀴）啊。
    29.
    阿明个貓嫲降子咧，想愛分你一隻細貓子，你會仰般（仰／仰般）回答佢呢？
    30.
    你跆起（跋起來／跆起）後，愛出門前會做哪兜事情，請你講出四項。
    31.
    請問你最想愛得著麼个生日禮物？做麼个想得著這禮物呢？
    32.
    班項愛辦同樂會，你負責食个摎（和／摎）啉个東西，你會買兜麼个東西？
    33.
    放學後，你想留在學校練客語口說藝術，愛先打電話（電話／電事）問過屋下人，你會仰般（仰／仰般）講？
    34.
    你最想做哪種頭路？做麼个想愛做這頭路呢？
    35.
    上體育課毋記得著運動鞋來學校，你愛仰般（仰／仰般）處理？
    36.
    放尞日你愛摎（和／摎）阿珍共下出去，請摎（和／摎）屋下人講，你愛去做麼个？幾時會轉來？
    37.
    這擺係通過客語認證考試，你最感謝麼人？請用幾句話（話／事）對佢表示你个感謝。
    38.
    你个好朋友阿珍愛轉學咧，你想愛摎（和／摎）佢講兜麼个話（話／事）？
    39.
    係講做得分你選，你會想，愛有老弟、老妹？抑係阿哥、阿姊？做麼个會恁樣（恁呢／恁樣）想呢？
    40.
    落雨天，你个同學阿松行路分車仔洩著水，衫屙糟咧，當閼！你會講兜麼个話（話／事）來安慰佢？
    41.
    下課十分鐘，請問你會做哪兜事情呢？
    42.
    係講你有機會出國，你最想愛去哪隻國家？做麼个會擇這隻國家呢？
    43.
    今晡日係教師節，你會摎（和／摎）先生講麼个來表示你个感謝？
    44.
    八月半尞月華，你个屋下會做哪兜活動呢？
    45.
    你轉屋無帶著鎖匙，你會仰般（仰／仰般）處理呢？
    46.
    你洗浴洗到一半嗄無燒水咧，你愛仰結煞正好？
    47.
    上課該下，坐隔壁个同學無帶著課本，愁到唩出來，你做得仰般（仰／仰般）摎（和／摎）佢𢯭手？
    48.
    叔婆來屋下尞，愛轉咧，請問你愛仰般（仰／仰般）講正有禮貌？
    49.
    阿明係正轉學來个同學，䀴（看／䀴）佢歸日仔一个人恬恬，你做得仰般（仰／仰般）摎（和／摎）佢𢯭手？
    50.
    在屋下，你會𢯭手做哪兜事？有哪項係你做到最好个？
    《客語認證詞彙資料庫》
    意義