Loading...
朝晨愛來拚掃了。
上午要大掃除喔。
𠊎來排盤仔同杯仔。
我來擺放盤子和杯子。
𠊎做得洗刀仔同筷仔。
我可以洗刀子和筷子。
這兜罐仔同遮仔還愛無？
這些罐子和傘還要嗎？
無愛咧，請你拿去門口。
不要了，請你拿到門口。
𠊎愛尞一下，看下電視。
我要休息一下，看一會兒電視。
便所愛先洗好來正做得哦。
但是廁所要先打掃好才可以喔。
𠊎等共下來整理屋下个東西。
我們一起來整理家裡的東西。
梯排脣口个衫褲愛放哪仔？
樓梯旁的衣服要放哪裡？
放入間房个衫櫥。
放進房間的衣櫃裡。
襪仔、裙、褲愛拿去洗無？
襪子、裙子和褲子要(拿去)洗嗎？
愛。洗好愛拿去花園曬日頭。
要，洗好拿到花園曬太陽。
凳仔頂个帽仔愛放哪仔？
椅子上的帽子要放哪裡？
放在𠊎个桌頂就好。
放在我桌上就好。
𠊎今晡日有食蓋多點心。
我今天吃很多點心。
你食了麼个點心？
你吃了什麼點心？
豬肉包仔、咖啡味个糖仔同汽水。
豬肉包子、咖啡口味的糖和汽水。
還有食冰箱裡肚个麵包、餅仔同一罐冰茶。
還有吃冰箱裡的麵包、餅乾和一罐冰茶。
你還會肚飢無？
你還肚子餓嗎？
𠊎還愛食魚肉豆腐粥哦！
我還要吃魚肉豆腐粥呢！